DAIVADASAKAM

20. Daiva dasakam in Malayalam

Daivame! Kaathukolkangu
Kaividathingu njangale
Naavikan Nee bhavabdhikko
raavi vanthoni ninpadam.

Onnonnaayenniyennitho-
ttennum porulodungiyal
Ninnidum dhrukkupolullam
Ninnilspandamaakanam

Anna vastrathi muttaathe
Thannu rakshichu njhangale
Dhanyarakunna nee yonnu -
Thane njhangalkku thampuran.

Aazhiyum thirayum kaattum
Aazhavum pole njhangalum
Maayayum nin mahimayum
Neeyaumennullilaakanam.

Neeyallo shrushtiyum shrashtaa-
Vayathum shrushtijaalavum
Neeyallo daivame, shrushtti-
Kkulla samagriyayathum

Neeyallo maayayum maaya -
Viyum maayavinodanum
Neeyallo mayaye neekki-
Saayoojjyam nalkumaryannum

Nee satyam njhaanamaanandam
Nee thanne varthamaanavum
Bhoothavum bhaaviyum vera-
llothum mozhiyumorkil nee

Akavum puravum thingum
Mahimaavaarnna ninpadam
Pukazhthunnu njangalangu
Bhaghavane, jaikkuka

Jayikkuka mahadeva,
Deenavanaparayana
Jaikukka chithananda
Dayasindo jayikkuka,

Aazhamerum nin mahassa -
Mazhiyil njhangalaakave
Aazhanam vazhanam nithyam
Vaazhanam vaazhanam sukham

1
ദൈവമേ! കാത്തുകൊള്‍കങ്ങു
കൈവിടാതിങ്ങു ഞങ്ങളേ;
നാവികന്‍ നീ ഭവാബ്ധിക്കോ‌-
രാവിവന്‍തോണി നിന്‍പദം.

2
ഒന്നൊന്നായെണ്ണിയെണ്ണി ത്തൊ-
ട്ടെണ്ണും പൊരുളൊടുങ്ങിയാല്‍
നിന്നിടും ദൃക്കുപോലുള്ളം
നിന്നിലസ്‌പന്ദമാകണം.
3
അന്നവസ്ത്രാദി മുട്ടാതെ
തന്നു രക്ഷിച്ചു ഞങ്ങളെ
ധന്യരാക്കുന്ന നീയൊന്നു-
തന്നെ ഞങ്ങള്‍ക്കു തമ്പുരാന്‍.

4
ആഴിയും തിരയും കാറ്റും-
ആഴവും പോലെ ഞങ്ങളും
മായയും നിന്‍ മഹിമയും
നീയുമെന്നുള്ളിലാകണം.

5
നീയല്ലോ സൃഷ്ടിയും സൃഷ്ടാ-
വായതും സൃഷ്ടിജാലവും
നീയല്ലോ ദൈവമേ,സൃഷ്ടി-
യ്ക്കുള്ള സാമഗ്രിയായതും

6
നീയല്ലോ മായയും മായാ-
വിയും മായാവിനോദനും
നീയല്ലോ മായയെനീക്കി -
സ്സായൂജ്യം നല്‍കുമാര്യനും.

7
നീ സത്യം ജ്ഞാനമാനന്ദം
നീ തന്നെ വര്‍ത്തമാനവും
ഭൂതവും ഭാവിയും വേറ-
ല്ലോതും മൊഴിയുമോര്‍ക്കില്‍ നീ.

8
അകവും പുറവും തിങ്ങും
മഹിമാവാര്‍ന്ന നിന്‍ പദം
പുകഴ്ത്തുന്നൂ ഞങ്ങളങ്ങു
ഭഗവാനേ, ജയിയ്ക്കുക.

9
ജയിയ്ക്കുക മഹാദേവ,
ദീനവന പരായണാ,
ജയിയ്ക്കുക ചിദാനന്ദ,
ദയാസിന്ധോ ജയിയ്ക്കുക.

10
ആഴമേറും നിന്‍ മഹസ്സാ-
മാഴിയില്‍ ഞങ്ങളാകവേ
ആഴണം വാഴണം നിത്യം
വാഴണം വാഴണം സുഖം.